کیٹی پیری منگنی کے لیے مہنگی انگوٹھی خود خریدیں گی

لاس اینجلس: امریکی گلوکارہ کیٹی پیری (Katy Perry) اور کینیڈا کے سابق وزیراعظم جسٹن ٹروڈو (Justin Trudeau) کے متوقع تعلقات اور ممکنہ شادی کی خبریں ایک بار پھر عالمی میڈیا کی زینت بن گئی ہیں، جہاں مبینہ طور پر مہنگی منگنی کی انگوٹھی گفتگو کا مرکز بنی ہوئی ہے۔

رپورٹس کے مطابق کیٹی پیری سابق کینیڈین وزیراعظم جسٹن ٹروڈو کے ساتھ باضابطہ شادی کے بارے میں سنجیدگی سے غور کر رہی ہیں اور اس سلسلے میں اپنی پسند کی انتہائی قیمتی منگنی کی انگوٹھی خود خریدنے کی خواہش بھی رکھتی ہیں۔

ایک قریبی ذریعہ کا دعویٰ ہے کہ کیٹی پیری نے جس انگوٹھی کو پسند کیا ہے اس کی قیمت غیر معمولی طور پر زیادہ ہے، اور وہ جسٹن ٹروڈو پر اتنی بھاری رقم خرچ کرنے کا مالی دباؤ نہیں ڈالنا چاہتیں۔گلوکارہ ایسی انگوٹھی قبول کرنے کے بجائے جو ان کے معیار پر پورا نہ اترے، اپنی ذاتی پسند کی انگوٹھی اپنے پیسوں سے خریدنے پر غور کر رہی ہیں۔واضح رہے کہ کیٹی پیری یا جسٹن ٹروڈو کی جانب سے منگنی، رشتے یا شادی کا کوئی بھی باضابطہ یا رسمی اعلان نہیں کیا گیا ہے۔ یہ تمام باتیں اور دعوے فی الحال غیر مصدقہ اطلاعات، بین الاقوامی شو بز رپورٹس اور قریبی ذرائع کے دعوؤں تک ہی محدود ہیں۔