کترینہ کیف کیریئر کے شروع میں ڈانس میں صفر تھیں: بھارتی کوریوگرافر بوسکو کا انکشاف

معروف بھارتی کوریوگرافر بوسکو نے انکشاف کیا ہے کہ بالی ووڈ کی صفِ اول کی اداکارہ کترینہ کیف کو اپنے کیریئر کے ابتدائی دنوں میں رقص (ڈانس) کے حوالے سے سخت مشکلات کا سامنا کرنا پڑا تھا، اور ایک کوریوگرافر نے انہیں یہاں تک کہہ دیا تھا کہ وہ ڈانس کے معاملے میں “صفر” ہیں اور انہیں ڈانس کرنا چھوڑ دینا چاہیے۔ یہ انکشاف بوسکو نے ہدایت کار اور کوریوگرافر فرح خان کے ساتھ ایک انٹرویو کے دوران کیا۔

انٹرویو کے دوران فرح خان نے بتایا کہ بالی ووڈ کا معروف ہٹ آئٹم سانگ ‘شیلا کی جوانی’ ان کی کوریوگرافی میں بننے والی سب سے کم خرچ پرفارمنس تھی، جسے صرف 10 ڈانسرز اور کترینہ کیف کے ساتھ شوٹ کیا گیا تھا۔ بوسکو نے مزید کہا کہ گانا ‘شیلا کی جوانی’ کترینہ کیف کے کیریئر کے لیے ایک بڑا گیم چینجر ثابت ہوا، جس کے بعد انہوں نے اپنی بہترین صلاحیتوں سے بالی ووڈ ڈانس میں اپنی ایک الگ شناخت بنائی۔