کترینہ کیف اور وکی کوشل کے ہاں بیٹے کی پیدائش

ممبئی: شادی کے چار سال بعد بالی ووڈ اداکارہ کترینہ کیف اور اداکار وکی کوشل کے گھر بیٹے کی پیدائش ہوئی ہے۔

 اداکار نے انسٹاگرام پر پوسٹ میں خوشخبری دی کہ ان کے ہاں بیٹے کی پیدائش 7 نومبر 2025 کو ہوئی ہے۔

انہوں نے لکھا کہ “ہماری خوشی کا ننھا سا بنڈل آ گیا ہے، بے حد محبت اور شکر کے ساتھ ہم اپنے بچے کو خوش آمدید کہتے ہیں۔”

وکی کوشل کی اس پوسٹ کے بعد مداحوں اور شوبز شخصیات کی جانب سے جوڑے کو مبارک باد دینے اور ننھے مہمان کے لیے نیک تمناؤں کے پیغامات کا سلسلہ جاری ہے۔

یاد رہے کہ کترینہ کیف اور وکی کوشل نے 9 دسمبر 2021 کو راجستھان کے ایک ریزورٹ میں شاہی انداز میں شادی کی تھی۔