انفلوئنسر کشف علی نے موبائل فون کو فتنہ قرار دیدیا
Web Desk
18 February 2026
پاکستانی شوبز انڈسٹری کی ابھرتی ہوئی انفلوئنسر کشف علی نے موبائل فونز اور سوشل میڈیا کے بڑھتے ہوئے استعمال پر تشویش کا اظہار کرتے ہوئے انہیں جدید دور کا “فتنہ” قرار دے دیا ہے۔
کشف علی حال ہی میں ایک پوڈ کاسٹ میں شریک ہوئیں جہاں انہوں نے مختلف سماجی موضوعات پر کھل کر گفتگو کی۔ اس سے قبل وہ ایک ہراسانی کرنے والے شخص کو سوشل میڈیا پر بے نقاب کرنے کے باعث خبروں کی زینت بنی تھیں، تاہم اس بار ان کے خیالات نے نئی بحث چھیڑ دی ہے۔
اگرچہ وہ خود سوشل میڈیا انفلوئنسر ہیں، لیکن موبائل فونز اور سوشل میڈیا پلیٹ فارمز کے بارے میں ان کے خیالات نے متعدد افراد کو حیران کر دیا۔ ان کا کہنا تھا کہ سوشل میڈیا نے خاص طور پر جنریشن زی کو شدید ذہنی دباؤ میں مبتلا کر دیا ہے۔ آج نوجوان اپنی زندگی کے معیار کا اندازہ اس بات سے لگاتے ہیں کہ ان کی پوسٹس پر کتنے لائکس اور ڈس لائکس آ رہے ہیں۔
انہوں نے کہا کہ یہ رجحان اب لت کی صورت اختیار کر چکا ہے اور تقریباً ہر شخص اس کا شکار ہے۔ ان کے مطابق ہر فرد اسکرین سے چپکا ہوا ہے جس کے باعث معاشرتی روابط کمزور اور تنہائی میں اضافہ ہو رہا ہے۔
کشف علی نے مزید کہا کہ صرف نوجوان ہی نہیں بلکہ بڑی عمر کے افراد بھی اس عادت میں مبتلا ہیں، حتیٰ کہ ان کے اپنے والدین بھی مسلسل اسکرولنگ میں مصروف رہتے ہیں۔
ان کا کہنا تھا کہ اگرچہ وہ خود ایک انفلوئنسر ہیں، مگر ان کے خیال میں موبائل فونز اب انسان کے لیے اتنے فائدہ مند نہیں رہے جتنے ابتدا میں سمجھے جاتے تھے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026