کرینہ کپور اور پرتھوی راج سوکمارن کی ’دائرہ‘ کے ٹریلر نے دھوم مچادی

بالی ووڈ اداکارہ کرینہ کپور اور مالیاالم اسٹار پرتھوی راج سوکمارن کی نئی کرائم تھرلر فلم ‘دائرہ’ (Daayra) کا سنسنی خیز ٹریلر جاری کر دیا گیا ہے۔ میگھنا گلزار کی ہدایت کاری میں بننے والی اس فلم میں کرینہ کپور ڈی سی پی اجونی کوہلی جبکہ پرتھوی راج ڈی سی پی رمن کمار کے روپ میں نظر آئیں گے۔ 2 منٹ 19 سیکنڈ کے اس ٹریلر میں ایک نابالغ لڑکی کے ساتھ پیش آنے والے اندوہناک حادثے اور ملزم کے پولیس انکاؤنٹر کے بعد دونوں افسران کو انصاف اور قانون کی اخلاقی الجھنوں سے نبرد آزما دکھایا گیا ہے۔ جنگلی پکچرز اور پین اسٹوڈیوز کے تحت تیار کردہ یہ فلم 18 ستمبر 2026ء کو سينما گھروں میں نمائش کے لیے پیش کی جائے گی۔