کراچی: ورلڈ کلچر فیسٹیول کی رونقیں عروج پر، تیسرے روز بھی فن و ثقافت کے رنگ نمایاں

روشنیوں کے شہر کراچی میں ورلڈ کلچر فیسٹیول کی رنگا رنگ سرگرمیاں جاری ہیں، جہاں تیسرے روز بھی آرٹس کونسل میں فن، موسیقی اور ثقافت کے خوبصورت رنگ دیکھنے کو ملے۔ فیسٹیول کے تیسرے دن شاندار پیشکش ‘سفرِ عشق لیلیٰ مجنوں’ اور ‘سوہنی دھرتی شو’ کے ذریعے ملکی و غیر ملکی فنکاروں نے اپنی صلاحیتوں کا لوہا منواتے ہوئے شہریوں کو خوب محظوظ کیا۔ اس موقع پر شائقین کی بڑی تعداد موسیقی اور ثقافتی رنگوں کے سحر میں ڈوبی رہی، جبکہ آرٹس کونسل کے آڈیٹوریم میں پاکستانی فلم کی نمائش نے فیسٹیول کی رونقوں کو دوبالا کر دیا۔