LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن

کراچی: 6 سالہ بچے کی تشدد زدہ لاش برآمد، پڑوسی نے زیادتی کے بعد قتل کردیا

Web Desk

8 July 2026

کراچی کے علاقے نیپئیر میں ایک انتہائی افسوسناک اور دل دہلا دینے والا واقعہ سامنے آیا ہے، جہاں 6 سال کے معصوم بچے کو مبینہ طور پر زیادتی کے بعد بے دردی سے قتل کر دیا گیا ہے۔ پولیس نے واقعے میں ملوث مرکزی ملزم کو گرفتار کر لیا ہے جو مقتول کا پڑوسی ہے۔

پولیس حکام کے مطابق، کمسن ولی کو پیر کی شام اس کے گھر کے باہر سے اغوا کیا گیا تھا۔ مقتول کی والدہ نے روتے ہوئے بتایا کہ بچے کی تشدد زدہ اور مسخ شدہ لاش کو بوری میں بند کر کے تین منزلہ عمارت سے نیچے پھینکا گیا۔ پولیس نے لاش کو تحویل میں لے کر پوسٹ مارٹم کے لیے سول اسپتال منتقل کر دیا ہے، اور حکام کا کہنا ہے کہ موت کی حتمی وجہ کا تعین پوسٹ مارٹم رپورٹ آنے کے بعد ہی ممکن ہو سکے گا۔

اہلِ خانہ کے مطابق، وہ دو دن سے معصوم ولی کو تلاش کر رہے تھے۔ یہ لرزہ خیز واردات پڑوسی کے گھر میں ہی انجام دی گئی، اور جب وہ بچے کو ڈھونڈ رہے تھے تو ملزم نے انہیں اپنے گھر میں داخل نہیں ہونے دیا۔ مقتول کے والد نے بتایا کہ ملزم ان کے ساتھ مل کر بچے کو ڈھونڈنے کا ڈرامہ بھی کرتا رہا۔ مقتول کے والد، جو کہ ایک رکشہ ڈرائیور ہیں، نے غم سے نڈھال ہوتے ہوئے بتایا کہ ان کی چار بیٹیاں اور ایک بیٹا تھا، اور ولی پانچ بہن بھائیوں میں سب سے چھوٹا تھا۔

اہلِ علاقہ کا دعویٰ ہے کہ انہوں نے اپنی مدد آپ کے تحت شک ہونے پر ملزم حمزہ کو پکڑ کر پولیس کے حوالے کیا۔ واقعے کے بعد علاقے میں شدید غم و غصہ پایا جاتا ہے اور متاثرہ خاندان نے اعلیٰ حکام سے واقعے کا فوری نوٹس لے کر ملزم کو عبرتناک سزا دینے کا مطالبہ کیا ہے۔