ایران کے خلاف امریکی پابندیاں، عالمی منڈی میں تیل کی قیمتوں میں اضافہ

ایران کے خلاف امریکی پابندیوں کے بعد عالمی منڈی میں خام تیل کی قیمتوں میں ایک بار پھر بڑا اضافہ ریکارڈ کیا گیا ہے۔ میڈیا رپورٹس کے مطابق برینٹ خام تیل کی قیمت 2.20 ڈالر (2.4 فیصد) اضافے کے بعد 93.82 ڈالر فی بیرل ہو گئی ہے، جبکہ امریکی ویسٹ ٹیکساس انٹرمیڈیٹ (WTI) کی قیمت 2.33 ڈالر کے اضافے سے 88.16 ڈالر فی بیرل تک جا پہنچی ہے۔ قیمتوں میں مسلسل پانچویں سیشن کے دوران ہونے والے اس اضافے کے بعد دونوں عالمی بینچ مارکس 24 جولائی کے بعد سے اپنی بلند ترین سطح پر پہنچ گئے ہیں، جس سے عالمی منڈی میں توانائی کے بحران اور مہنگائی کی خدشات میں اضافہ ہو رہا ہے۔