دشمن کی دھمکیوں، حملوں کے باعث اپنی دفاعی صلاحیتوں کو مزید مضبوط بنا دیا: ایران

ایران کی وزارتِ دفاع نے ایک اہم بیان میں کہا ہے کہ دشمن کی طرف سے ملنے والی دھمکیوں اور حملوں کے نتیجے میں ملک کی دفاعی صلاحیتوں کو پہلے سے کہیں زیادہ مضبوط بنایا گیا ہے۔ وزارتِ دفاع کے مطابق، ایران نے گزشتہ چند برسوں کے دوران جن جدید ہتھیاروں اور دفاعی نظاموں کی تیاری پر کام کیا، ان کے کامیاب استعمال کے ذریعے دشمن کے متعدد اہم اور خطرناک منصوبوں کو ناکام بنا دیا گیا ہے۔

بیان میں واضح کیا گیا کہ جب بھی دشمن نے ایرانی قوم کے دفاعی عزم کو نشانہ بنانے کی کوشش کی، اسے ایک ایسی قوم کا سامنا کرنا پڑے گا جو نہ صرف دفاع اور مزاحمت کے میدان میں مضبوطی سے ڈٹی رہے گی، بلکہ اپنی اندرونی صلاحیتوں پر مکمل انحصار کرتے ہوئے ہر آنے والے خطرے کو نئی طاقت اور ترقی میں تبدیل کرنے کی صلاحیت رکھتی ہے۔