ڈیجیٹائزڈ ہیلتھ کیئر سینٹر اور ساتواں ٹیلی میڈیسن یونٹ کا افتتاح کر دیا

وفاقی وزیر صحت مصطفی کمال نے کراچی کے گارڈن علاقے میں ڈیجیٹائزڈ ہیلتھ کیئر سینٹر اور ساتواں ٹیلی میڈیسن بیسک یونٹ کا افتتاح کیا۔

وفاقی وزیر صحت کے مطابق دنیا بھر میں مریضوں کو بڑی بیماری میں اسپتال جانے کی ضرورت کم کرنے کے لیے ہیلتھ کیئر تین درجوں میں تقسیم کی گئی ہے:

1. پرائمری کیئر: سر درد، بلڈ پریشر اور چھوٹی بیماریوں کا علاج۔

2. سیکنڈری کیئر: ڈلیوری، سی ٹی اسکین، اور لیب ٹیسٹ۔

3. ٹرشری کیئر: بڑی بیماریوں اور حادثات کے لیے اسپتال۔

ریسرچ کے مطابق ستر فیصد مریضوں کا علاج پرائمری ہیلتھ سینٹر سے ہونا چاہیے، لیکن ہمارے بڑے اسپتالوں میں ہزاروں مریض اوپی ڈیز میں لائنیں لگا کر علاج کروا رہے ہیں۔

گارڈن میں کھلے اس نئے ٹیلی میڈیسن سینٹر میں صبح آٹھ سے ایک بجے اور دوپہر ایک سے شام چھ بجے تک ڈاکٹر آن لائن مریض کا معائنہ کریں گے۔ ڈاکٹر ملیشیا میں بیٹھ کر بھی گارڈن کے مریض کا چیک اپ کر رہی تھی جبکہ وائٹلز یہاں سے ڈاکٹر مانیٹر کر رہا تھا۔

پراجیکٹ میں پانچ ہزار نئے پاکستانی ڈاکٹرز شامل کیے گئے ہیں اور مقامی کمیونٹی کے لیے دو دن اسپیشلسٹ بھی مختص کیے گئے ہیں۔

مصطفی کمال نے کہا کہ ہمیں صحت مند زندگی گزارنی ہے، بیماری سے بچاؤ پر توجہ دینی ہے اور قریبی ہیلتھ کیئر سینٹر کے ذریعے بڑے اسپتالوں پر دباؤ کم کرنا ہے۔ وفاقی حکومت نے پرائیویٹ سیکٹر کے ساتھ مل کر ٹیلی میڈیسن کو فروغ دینے کا بھی کام شروع کر دیا ہے۔