این سی سی آئی اے میں نفری کم، وفاقی پولیس کا 23 افسران بھجوانے کا فیصلہ

اسلام آباد میں قائم نیشنل سائبر کرائم انویسٹی گیشن ایجنسی (NCCIA) میں شدید عملے کی کمی کو پورا کرنے کے لیے وفاقی پولیس نے اپنے 23 افسران کو این سی سی آئی اے میں ڈیوٹی پر بھجوانے کا حتمی فیصلہ کر لیا ہے، جس کی باقاعدہ فہرست بھی تیار کر لی گئی ہے۔ این سی سی آئی اے حکام کی جانب سے کیسز کی جانچ پڑتال اور آپریشنل امور میں پیش آنے والی مشکلات کے پیشِ نظر اسلام آباد پولیس سے فوری فیلڈ معاونت کی باضابطہ درخواست کی گئی تھی۔

وفاقی پولیس کے ذرائع کے مطابق افسران کو کیپٹل پٹرول، انویسٹی گیشن ونگ، خدمت مرکز، سیکیورٹی ڈویژن، کاؤنٹر ٹیررازم ڈیپارٹمنٹ (CTD)، ون فائیو (15) اور اینٹی کار لفٹنگ سیل (ACLC) سے این سی سی آئی اے منتقل کیا جا رہا ہے۔ متعلقہ احکامات کے تحت منتخب تمام 23 افسران کو 26 ستمبر کو این سی سی آئی اے ہیڈ کوارٹر میں رپورٹ کرنے کی ہدایت کی گئی ہے تاکہ ایجنسی میں التوا کا شکار سائبر کرائم انویسٹی گیشنز کو تیز کیا جا سکے