اے آر رحمان کا رویہ نفرت آمیز اور افسوسناک ہے ، کنگنا رناوت

ممبئی: بالی ووڈ اداکارہ کنگنا رناوت نے موسیقار اے آر رحمان کے رویے پر ناراضگی ظاہر کرتے ہوئے کہا کہ وہ نفرت میں اندھے ہو چکے ہیں اور ان پر افسوس ہے۔

بھارتی میڈیا کے مطابق کنگنا نے الزام عائد کیا کہ اے آر رحمان نے فلم ایمرجنسی کے سلسلے میں ملاقات سے انکار کیا اور اسے پروپیگنڈا فلم قرار دیا۔ اداکارہ نے کہا کہ سیاسی وابستگی کی وجہ سے انڈسٹری میں تعصب کا سامنا رہتا ہے اور رحمان اس تعصب کی واضح مثال ہیں۔

کنگنا رناوت نے دعویٰ کیا کہ فلم ایمرجنسی کو ناقدین اور اپوزیشن رہنماؤں نے سراہا، تاہم موسیقار نے منفی رویہ اختیار کیا۔ یہ تنازع ایسے وقت میں سامنے آیا ہے جب اے آر رحمان نے پہلے ہی فلم چھاوا کو تقسیم پیدا کرنے والی فلم قرار دیا تھا۔