ویب اسپیس ٹیلی اسکوپ کے ذریعے کائنات کے ابتدا ئی مراحل کی نئی معلومات جاری

جیمز ویب اسپیس ٹیلی اسکوپ کے ذریعے محققین نے ایک روشن گلیکسی دریافت کی ہے جو کائنات کے ابتدائی مراحل کے بارے میں نئی اور حیران کن معلومات فراہم کر رہی ہے۔

تحقیق کے مطابق اس گلیکسی کا نام MoM-z14 رکھا گیا ہے، جو بگ بینگ کے تقریباً 280 ملین سال بعد موجود تھی۔ سائنس دانوں کے مطابق یہ دریافت کائنات کی 13.8 ارب سالہ موجودگی میں ابتدائی دور کے سب سے قریبی شواہد میں شمار ہوتی ہے۔

میسی چیوسٹس انسٹیٹیوٹ آف ٹیکنالوجی کے روحان نائیدو نے بتایا کہ جیمز ویب نے ہمیں وہ منظر دکھایا ہے جسے انسان پہلے کبھی نہیں دیکھ پایا، اور یہ پیش گوئی کے مطابق نہیں ہے، جو تحقیق کو چیلنجنگ اور پرجوش دونوں بناتا ہے۔

ویب کے نیئر انفراریڈ اسپیکٹروگراف آلے کے ذریعے محققین نے MoM-z14 کی روشنی کے ویو لینتھ کا تجزیہ کیا اور اس کی مدت کا تعین کیا۔ تحقیق سے پتہ چلا کہ گلیکسی میں ہائی نائٹروجن کی مقدار توقع سے زیادہ تھی، جو سائنسدانوں کی پیش گوئیوں کے مطابق ممکن نہیں تھی۔

مزید برآں، یہ دریافت ری آئنائزیشن کے عمل کے مطالعے میں بھی مددگار ثابت ہو سکتی ہے، یعنی ستاروں کی روشنی نے ابتدائی ہائیڈروجن کے دھند کو کیسے توڑا اور کائنات میں پھیلا۔

پنسلوانیا اسٹیٹ یونیورسٹی کے فارغ التحصیل ییجیا لی نے کہا کہ یہ انتہائی خوشی کا لمحہ ہے، کیونکہ جیمز ویب کی مدد سے کائنات کے ابتدائی رازوں کی کھوج ممکن ہو رہی ہے اور مزید معلومات دریافت کی جا سکتی ہیں۔