آئی ٹی سی این ایشیا 2026، ڈیجیٹل کنیکٹیویٹی اور عالمی شراکت داری میں نئی پیش رفت

اسلام آباد: اسپیشل انویسٹمنٹ فیسلیٹیشن کونسل (SIFC) کی اسٹریٹجک معاونت سے آئی ٹی سی این ایشیا 2026 پاکستان میں ڈیجیٹل سرمایہ کاری، عالمی تعاون اور ٹیکنالوجی کے فروغ کا ایک اہم ذریعہ بنتا جا رہا ہے۔ ایونٹ میں پاکستان کے تیزی سے ترقی کرتے ڈیجیٹل ایکو سسٹم اور سرمایہ کاری کے نئے مواقع کو نمایاں کیا جا رہا ہے۔

ایونٹ کے دوران گلگت بلتستان سافٹ ویئر ہاؤس ایسوسی ایشن اور پریمیئر کیبلز کے درمیان خطے میں کنیکٹیویٹی بہتر بنانے کے لیے معاہدہ طے پایا۔ معاہدے کا مقصد گلگت بلتستان میں ڈیجیٹل اور مواصلاتی انفراسٹرکچر کو مضبوط بنانا ہے، جس سے رسائی میں اضافہ اور طویل المدتی سماجی و معاشی ترقی کو فروغ ملے گا۔

آئی ٹی سی این ایشیا 2026 عالمی سرمایہ کاری اور ٹیکنالوجی تعاون کے لیے ایک مؤثر پلیٹ فارم کے طور پر سامنے آیا ہے۔ اس موقع پر منعقدہ عالمی سی آئی ایس او سمٹ بھی ایونٹ کی نمایاں سرگرمیوں میں شامل رہی، جس نے پاکستان کے سائبر سیکیورٹی منظرنامے کو عالمی سطح پر اجاگر کیا۔

سی آئی ایس او سمٹ میں دنیا کے 50 سے زائد ممالک سے 500 سے زیادہ سینئر سائبر سیکیورٹی اور ٹیکنالوجی رہنماؤں نے شرکت کی۔ سمٹ کی قیادت عالمی سی آئی ایس او فورم کے صدر ڈاکٹر اردال اوزکایا نے کی۔

ایس آئی ایف سی کی سہولتکاری کے تحت نئی شراکت داریوں، بہتر کنیکٹیویٹی اور عالمی تعاون کے ساتھ آئی ٹی سی این ایشیا 2026 کا دوسرا دن کامیابی کے ساتھ اختتام پذیر ہوا۔