ٹیلی کام سروسز بلا تعطل رکھنے کیلئے وزارت آئی ٹی کی ہدایات جاری

وزارتِ آئی ٹی نے مون سون بارشوں اور ممکنہ ہنگامی صورتحال کے پیشِ نظر ملک بھر میں ٹیلی کام سروسز کو بلا تعطل برقرار رکھنے کے لیے تمام متعلقہ اداروں اور کمپنیوں کو پیشگی اقدامات کی سخت ہدایات جاری کر دی ہیں۔ وزارت کے مطابق تمام صوبوں میں 1122 ایمرجنسی کال سینٹرز مکمل طور پر فعال رہیں گے، جن کا مرکزی رابطہ این ڈی ایم اے اور پی ٹی اے سے ہو گا تاکہ کسی بھی ہنگامی صورتحال پر فوری کارروائی کی جا سکے۔ ذرائع وزارتِ آئی ٹی کے مطابق گزشتہ سال سیلابی صورتحال میں 27.8 ملین ایمرجنسی کالز موصول ہوئیں، جبکہ قدرتی آفات کے دوران صرف 7 فیصد ٹیلی کام سائٹس متاثر ہوئی تھیں جن میں سے 99 فیصد سائٹس کو 1 ماہ کے اندر کام کے قابل بنا دیا گیا تھا