وزارت آئی ٹی کا ’پاک آواز‘ محفوظ موبائل کمیونیکیشن منصوبہ شروع کرنے کا فیصلہ

وزارتِ انفارمیشن ٹیکنالوجی و ٹیلی کمیونیکیشن نے حکومتی مواصلاتی نظام کو سائبر حملوں سے محفوظ بنانے کے لیے 708 ملین روپے کی لاگت سے “پاک آواز” محفوظ موبائل کمیونیکیشن ایکو سسٹم منصوبہ شروع کرنے کا فیصلہ کیا ہے۔ سنٹرل ڈویلپمنٹ ورکنگ پارٹی (CDWP) سے اصولی منظوری حاصل کرنے والے اس منصوبے پر عملدرآمد نیشنل ٹیلی کمیونیکیشن کارپوریشن (NTC) کرے گی، جس کے تحت ابتدائی مرحلے میں 10 ہزار سرکاری افسران کو نجی ایپ اسٹور، اینڈ ٹو اینڈ انکرپٹڈ وائس و ویڈیو کالز اور ای آفس (e-Office) کی سہولت سے لیس محفوظ موبائل فون فراہم کیے جائیں گے۔ عوامی نیٹ ورک سے الگ اس پورے سیکیورٹی سسٹم کو این ٹی سی کے اپنے ڈیٹا سینٹر پر ہوسٹ کیا جائے گا۔