اسلام آباد: بلدیاتی انتخابات 15 فروری کو ہوں گے، الیکشن کمیشن

اسلام آباد میں بلدیاتی انتخابات 15 فروری 2026 کو منعقد ہوں گے۔ الیکشن کمیشن آف پاکستان نے انتخابات سے متعلق باضابطہ شیڈول جاری کر دیا ہے۔

ترجمان الیکشن کمیشن کے مطابق کاغذاتِ نامزدگی 27 دسمبر تک جمع کرائے جا سکیں گے، جبکہ امیدواروں کے کاغذات کی جانچ پڑتال 3 جنوری تک مکمل کی جائے گی۔ کاغذاتِ نامزدگی کے خلاف دائر اپیلوں پر فیصلے 13 جنوری تک سنائے جائیں گے۔امیدواروں کی حتمی فہرست 14 جنوری کو جاری کی جائے گی اور انتخابی نشانات 15 جنوری کو الاٹ ہوں گے۔الیکشن کمیشن کے مطابق اسلام آباد لوکل گورنمنٹ انتخابات کے لیے پولنگ 15 فروری بروز اتوار ہوگی، جبکہ بلدیاتی انتخابات کے نتائج 19 فروری تک مرتب کیے جائیں گے۔