اسلام آباد ہائیکورٹ: جدید ٹیکنالوجی سے عدالتی نظام میں نمایاں تبدیلیاں متعارف

اسلام آباد ہائیکورٹ نے عدالتی نظام کو جدید تقاضوں سے ہم آہنگ کرنے کے لیے ایک بڑا پیش رفت پر مبنی قدم اٹھاتے ہوئے جدید ٹیکنالوجی کا عملی استعمال شروع کر دیا ہے۔ چیف جسٹس سرفراز ڈوگر کی عدالت کو مکمل طور پر ’ای کورٹ‘ (E-Court) اور پیپر لیس (Paperless) بنا دیا گیا ہے۔ اس سہولت کے تحت کمرہ عدالت میں ڈیجیٹل اسکرینیں نصب کر کے آن لائن و ڈیجیٹل سماعتوں کا باضابطہ آغاز کر دیا گیا ہے، جس کا مقصد کاغذی ریکارڈ پر انحصار ختم کرنا اور کیس مینجمنٹ کو زیادہ منظم بنانا ہے۔

جدید ای کورٹ کے افتتاحی مواقع اور پہلی ڈیجیٹل سماعت کے دوران ایڈیشنل اٹارنی جنرل، ڈپٹی اٹارنی جنرل اور پراسیکیوٹر جنرل اسلام آباد منظور ججہ بھی کمرہ عدالت میں موجود تھے۔ پراسیکیوٹر جنرل منظور ججہ اور قانون دان برادری نے اس اقدام کا خیرمقدم کرتے ہوئے کہا کہ ٹیکنالوجی کے اس استعمال سے مقدمات کی کارروائی میں شفافیت اور تیزی آئے گی، جبکہ وکلاء اور سائلین کو کیسز سے متعلق معلومات تک آن لائن رسائی میں بھی آسانی میسر ہوگی