ایرانی میزائلوں نے اسرائیل میں تباہی مچادی، کئی عمارتیں، گاڑیاں تباہ، درجنوں افراد زخمی

مشرقِ وسطیٰ کی جنگ نے اس وقت خطرناک رخ اختیار کر لیا ہے جب ایرانی میزائلوں نے اسرائیل کے مختلف شہروں، بشمول تل ابیب اور بیت شمیش، میں شدید تباہی مچادی۔ حملوں کے نتیجے میں متعدد عمارتیں اور گاڑیاں ملبے کا ڈھیر بن گئیں اور کئی مقامات پر ہولناک آگ بھڑک اٹھی۔ اسرائیلی ذرائع کے مطابق اب تک 15 فوجیوں اور شہریوں کی ہلاکت کی تصدیق ہو چکی ہے، جبکہ جنگ کے آغاز سے اب تک زخمی ہونے والوں کی مجموعی تعداد 3,350 تک پہنچ گئی ہے۔

دوسری جانب، علاقائی کشیدگی کے باعث صرف اسرائیل ہی نہیں بلکہ پڑوسی ممالک بھی براہِ راست متاثر ہو رہے ہیں۔ ایران نے بغداد ایئرپورٹ کو بھی نشانہ بنایا، جبکہ دبئی ایئرپورٹ اور فجیرہ انڈسٹریل ایریا کے قریب ڈرون حملوں نے شدید خوف و ہراس پھیلا دیا۔ سعودی عرب اور کویت نے اپنی فضائی حدود میں داخل ہونے والے متعدد ڈرونز کو مار گرانے کا دعویٰ کیا ہے۔