اقرار الحسن کا تینوں بیویوں کے ساتھ ڈنر؛ سوشل میڈیا پر طنز کا طوفان

پاکستان کے معروف اینکر اور پروگرام میزبان اقرار الحسن اپنی پیشہ ورانہ کامیابیوں کے ساتھ ساتھ ذاتی زندگی کی وجہ سے بھی خبروں میں رہتے ہیں۔

تفصیلات کے مطابق اقرار الحسن کے قریبی دوست راجہ مطلوب اسلام آباد میں ایک کار حادثے میں جان بحق ہو گئے، اور ان کی نماز جنازہ میں اقرار الحسن اپنی تینوں بیویوں قرۃ العین اقرار، فرح یوسف اور عروسہ خان کے ہمراہ شریک ہوئے۔

جس کے بعد عروسہ خان نے سوشل میڈیا پر ایک ویڈیو شیئر کی، جس میں خاندان کو ایک ریسٹورنٹ میں کھانا کھاتے دیکھا جا سکتا ہے، ویڈیو میں اقرار الحسن، پہلاج، قرۃ العین اقرار، فرح یوسف اور عروسہ خان سب موجود ہیں۔

اینکر اقرار نے بھی ایک تصویر شیئر کی اور لکھا کہ راجہ صاحب سب سے خوش ہوتے تھے جب وہ میرا خاندان اکٹھا دیکھتے، اللہ اُن کے درجات بلند کرے۔