بشریٰ انصاری اور اقبال حسین کی شادی کی دلچسپ کہانی: مداح حیران

لاہور: اداکار و ہدایت کار اقبال حسین نے انکشاف کیا ہے کہ ان کی اور بشریٰ انصاری کی شادی کا فیصلہ کسی روایتی رومانس کے بجائے ایک مزاحیہ مگر سنجیدہ جملے سے شروع ہوا۔ اقبال حسین کے مطابق، بشریٰ انصاری انہیں مسلسل شادی کرنے اور زندگی میں سیٹل ہونے کا مشورہ دے رہی تھیں، یہاں تک کہ انہوں نے اقبال کو امریکہ میں مقیم چند رشتوں کے بارے میں بھی بتایا۔

اقبال حسین نے بتایا کہ انہوں نے پہلے تو بشریٰ کو یہ کہہ کر انکار کیا کہ وہ اپنی موجودہ زندگی میں خوش ہیں، ان کے پاس گھر، گاڑیاں اور نوکر چاکر سب موجود ہیں۔ تاہم، جب بشریٰ نے اصرار کیا تو انہوں نے فی البدیہہ جواب دیا: “آپ بھی اکیلی ہیں، آپ ہی مجھ سے شادی کر لیں۔” اس مذاق نما پیشکش نے اس وقت سنجیدہ رخ اختیار کر لیا جب بشریٰ انصاری کی بہن اسماء عباس نے اقبال حسین کو فون کر کے ان کی سنجیدگی کے بارے میں پوچھا۔ اقبال حسین نے اعتراف کیا کہ وہ اس رشتے کے لیے بالکل سنجیدہ تھے کیونکہ انہیں ہمیشہ سے عمر میں بڑی اور میچور خواتین پسند رہی ہیں۔