ایپل کے سستے ترین آئی فون 17 ای کی پہلی جھلک منظر عام پر آ گئی

فروری 2026 میں ایپل ایپل کی جانب سے رواں سال کا سب سے سستا آئی فون 17 ای متعارف کرائے جانے کا امکان ہے۔ کہا جا رہا ہے کہ یہ نیا فون 19 فروری کو ریلیز کیا جا سکتا ہے۔

نئی لیک ویڈیو میں آئی فون 17 ای کے کانسیپٹ ڈیزائن کی جھلک دکھائی گئی ہے، جس میں نوچ کی بجائے ڈائنامک آئی لینڈ دیا گیا ہے جبکہ بیک پر میگ سیف چارجنگ سپورٹ بھی موجود ہے۔ ڈیزائن کی دوسری خصوصیات میں 6.1 انچ ڈسپلے، 48 میگا پکسل بیک کیمرا اور 18 میگا پکسل سیلفی کیمرہ شامل ہیں۔

فون کے اندر نئی اے 19 چپ اور سی 1 ایکس موڈیم، این 1 وائرلیس نیٹ ورک پراسیسر دیے جائیں گے، جو زیادہ بہتر انٹرنیٹ اسپیڈ فراہم کریں گے۔ فون کا 128 جی بی اسٹوریج والا ورژن 599 ڈالرز سے شروع ہونے کا امکان ہے۔