انڈونیشیا کا کم عمر بچوں کے سوشل میڈیا استعمال پر پابندی لگانے کا اعلان

Indonesia نے 16 سال سے کم عمر بچوں کے لیے سوشل میڈیا کے استعمال پر پابندی عائد کرنے کا اعلان کر دیا ہے۔

میڈیا رپورٹس کے مطابق انڈونیشیا کی وزیر برائے ڈیجیٹل امور Meutya Hafid نے 6 مارچ کو اعلان کیا کہ اس پابندی کا اطلاق 28 مارچ سے کیا جائے گا۔ ان کا کہنا تھا کہ بچوں کو آن لائن بد زبانی، نامناسب مواد، آن لائن فراڈ اور سوشل میڈیا کی لت جیسے خطرات کا سامنا ہو سکتا ہے، اس لیے حکومت یہ اقدام اٹھا رہی ہے۔

اس فیصلے کے تحت 28 مارچ سے X (Twitter)، YouTube، Facebook، Instagram اور Threads سمیت دیگر ہائی رسک پلیٹ فارمز پر 16 سال سے کم عمر بچوں کے اکاؤنٹس کو ڈی ایکٹیویٹ کرنے کا عمل شروع کیا جائے گا۔

تاہم انڈونیشین حکومت کی جانب سے ابھی تک یہ واضح نہیں کیا گیا کہ اس پابندی کو عملی طور پر کیسے نافذ کیا جائے گا۔

واضح رہے کہ Australia دنیا کا پہلا ملک تھا جس نے 2025 کے آخر میں 16 سال سے کم عمر بچوں کے لیے سوشل میڈیا کے استعمال پر پابندی عائد کی تھی۔ اس کے علاوہ دنیا کے کئی دیگر ممالک بھی بچوں کی سوشل میڈیا تک رسائی کو محدود کرنے یا ختم کرنے پر غور کر رہے ہیں۔