بھارتی اداکارجے بھانوشالی اور ماہی وج کا شادی کے 14 سال بعد طلاق کا فیصلہ

بھارتی اداکار جےبھانوشالی اور اداکارہ ماہی وج نے بالآخر طلاق کی افواہوں پر خاموشی توڑتے ہوئے اپنی علیحدگی کی تصدیق کردی ہے۔ جےبھانوشالی نے اپنی انسٹاگرام سٹوری کے ذریعے طلاق کا اعلان کرتے ہوئے کہا کہ “ہم دونوں نے باہمی رضا مندی سے علیحدگی کا فیصلہ کیا ہے۔”

اداکار جوڑے نے اپنے انسٹاگرام بیان میں کہا، “آج ہم زندگی کے نئے سفر کی جانب الگ راستے اختیار کرنے کا فیصلہ کر رہے ہیں، لیکن ہم ہمیشہ ایک دوسرے کا ساتھ دیتے رہیں گے۔”

جےبھانوشالی اور ماہی وج کی شادی 2011 میں ہوئی تھی اور انہوں نے 14 سال ایک ساتھ گزارے۔ ان کے تین بچے ہیں؛ 2017 میں خوشی اور راج ویر کی ذمہ داری سنبھالنے کے بعد، ان کی بیٹی تارا 2019 میں پیدا ہوئی تھی۔

دونوں کی علیحدگی کے حوالے سے کئی ماہ سے افواہیں چل رہی تھیں، تاہم جوڑا ہمیشہ سوشل میڈیا پر اپنے بچوں کے ساتھ تصاویر اور ویڈیوز شیئر کرتا رہا۔