بھارت: پنجابی گلوکار ہرمن سدھو ٹریفک حادثے میں جان کی بازی ہارگیا

بھارتی ریاست پنجاب کے ضلع مانسا سے افسوسناک خبر موصول ہوئی ہے جہاں معروف پنجابی گلوکار ہرمن سدھو ایک المناک ٹریفک حادثے میں 37 برس کی عمر میں جان کی بازی ہار گئے۔

پولیس کے مطابق ہرمن سدھو کی گاڑی سامنے سے آنے والے ایک ٹرک سے ٹکرائی، تصادم اتنا شدید تھا کہ وہ موقع پر ہی دم توڑ گئے۔ حادثے کی مزید تحقیقات جاری ہیں اور ٹرک ڈرائیور کی تلاش جاری ہے۔

ہرمن سدھو نے اپنے مقبول گانے “پیپر جا پیار” سے نہ صرف بھارت بلکہ بیرونِ ملک پنجابی موسیقی کے مداحوں میں بھی نمایاں مقام حاصل کیا تھا۔ ان کی اچانک وفات نے بھارتی شوبز انڈسٹری، موسیقی کے حلقوں اور دنیا بھر میں ان کے چاہنے والوں کو گہرے صدمے سے دوچار کر دیا ہے۔
مداح سوشل میڈیا پر ان کو خراجِ عقیدت پیش کر رہے ہیں اور ان کے فن کو پنجابی موسیقی کا ایک روشن باب قرار دے رہے ہیں