5جی ابتدائی طور پر پاکستان کے کن مقامات پر دستیاب ہوگا؟ اہم خبر آ گئی

حکومت اور ریگولیٹری اداروں کی سرگرمیوں کے تناظر میں رمضان المبارک سے قبل 5جی اسپیکٹرم آکشن کے انعقاد کا امکان مضبوط ہوتا جا رہا ہے۔ ذرائع کے مطابق پاکستان ٹیلی کمیونیکیشن اتھارٹی (پی ٹی اے) نے 5جی آکشن سے متعلق اپنی بنیادی اور تکنیکی تیاریاں مکمل کر لی ہیں۔

پی ٹی اے کے ایک اعلیٰ عہدیدار نے بتایا کہ اسپیکٹرم آکشن کا مکمل فریم ورک تیار ہے، جس میں نیٹ ورک انفراسٹرکچر، ٹیکنالوجی نیوٹرل پالیسی، کوالٹی آف سروس اور مرحلہ وار رول آؤٹ اسٹریٹجی شامل ہے۔ حکام کے مطابق 5جی اسپیکٹرم آکشن 26 فروری کو متوقع ہے۔

یہ آکشن پاکستان کی ٹیلی کام تاریخ کا سب سے بڑا آکشن ہوگا، جس میں تقریباً 600 میگا ہرٹز اسپیکٹرم نیلامی کے لیے پیش کیا جائے گا۔ آکشن سے حکومت کو کم از کم 630 ملین ڈالر بغیر ٹیکس آمدن متوقع ہے۔ کامیاب آپریٹرز کو 15 سال کے لیے ٹیکنالوجی نیوٹرل لائسنس جاری کیے جائیں گے جبکہ 5جی سروس کا آغاز مرحلہ وار کیا جائے گا۔