35ویں نیشنل گیمز ،پاکستان آرمی کی برتری برقرار، 20 گولڈ میڈلز اپنے نام کرلئے

35 ویں نیشنل گیمز میں پاکستان آرمی کی شاندار کارکرگی، 20 گولڈ میڈلز جیت کر مجموعی برتری مزید مستحکم کر لی۔

کراچی میں جاری گیمز کے تائیکوانڈو میں آرمی کے ایتھلیٹس نے شاندار کارکردگی دکھاتے ہوئے9 طلائی تمغے اپنے نام کئے۔جوڈو میں بھی آرمی نے سونے کے تین میڈل حاصل کئے۔ آرمی کے مجموعی میڈلز کی تعداد29ہوگئی ہے۔
پاکستان نیوی کی سات گولڈ کے ساتھ دوسری جبکہ ائیر فورس چار گولڈ، چھ سلور اور چار برانز کے ساتھ تیسری پوزیشن ہے۔سیلنگ ایونٹس میں ’ائیر فورس‘ نے چار اور نیوی نے دو گولڈ اپنے نام کیے۔ اسکواش ٹیم ایونٹ میں پی اے ایف، خیبرپختونخوا، واپڈا، بلوچستان، ریلویز اور آرمی نے اپنے حریفوں کو مات دی۔
خواتین مقابلوں میں پنجاب، آرمی اور کے پی کی ٹیمیں فاتح رہیں۔والی بال ایونٹ میں آرمی نے سندھ ، ائیر فورس نے اسلام آباد اور نیوی نے پولیس کو ہرایا۔