جے یو آئی پنجاب کا مجلس عاملہ کے اجلاس میں اہم فیصلے

ملتان جے یو آئی پنجاب کی مجلسِ عاملہ کا اجلاس قائم مقام امیر مولانا صفی اللہ کی زیرِ صدارت جامعہ قاسم العلوم ملتان میں منعقد ہوا، جس میں موٹر وہیکل آرڈیننس اور نئے بلدیاتی قوانین کو مسترد کردیا گیا۔ اجلاس میں مطالبہ کیا گیا کہ حکومت پنجاب ٹرانسپورٹرز سمیت تمام اسٹیک ہولڈرز کو اعتماد میں لے کر قانون سازی کرے اور مدارس کی رجسٹریشن سوسائٹی ایکٹ کے تحت شروع کی جائے۔

رہنماؤں نے کہا کہ موٹر وہیکل آرڈیننس سے رشوت میں اضافہ ہوا ہے جبکہ بلدیاتی قوانین عوامی نمائندوں کے اختیارات سلب کر کے بیوروکریسی کو بااختیار بناتے ہیں۔ اجلاس میں جنوبی پنجاب میں بحالیِ امن کے لیے مارچ کرنے اور بلدیاتی انتخابات میں بھرپور شرکت کا فیصلہ بھی کیا گیا۔ جے یو آئی پنجاب نے بلدیاتی فریم ورک کی تیاری کے لیے کمیٹی تشکیل دے دی