معروف اداکار الیاس جاوید 82 برس کی عمر میں انتقال کر گئے
Web Desk
22 January 2026
بنگلہ دیش میں اردو سنیما سے وابستہ معروف اداکار اور ہدایتکار الیاس جاوید طویل علالت کے بعد بدھ کے روز 82 برس کی عمر میں انتقال کر گئے۔ ان کی وفات پر اردو سنیما کے شائقین اور فلمی حلقوں میں گہرے رنج و غم کا اظہار کیا جا رہا ہے۔
خاندانی ذرائع کے مطابق الیاس جاوید نے ڈھاکا کے علاقے اُتارا میں واقع ایک اسپتال میں آخری سانس لی، جہاں وہ کینسر کے طویل علاج کے بعد زیر علاج تھے۔ ان کی اہلیہ اور معروف اداکارہ ڈولی چودھری نے ان کے انتقال کی تصدیق کی۔
الیاس جاوید کا شمار اردو فلمی دنیا کے اُن فنکاروں میں ہوتا ہے جنہوں نے مشرقی پاکستان کے سنہری دور میں اردو سنیما کو شناخت دی۔ انہوں نے 1960 کی دہائی میں بطور ڈانس ڈائریکٹر فلمی کیریئر کا آغاز کیا اور بعد ازاں اداکاری کے میدان میں قدم رکھا۔
انہوں نے 1964 میں اردو فلم ’نئی زندگی‘ سے بطور اداکار اپنے فلمی سفر کا آغاز کیا، جس کے بعد متعدد اردو فلموں میں نمایاں کردار ادا کیے۔ الیاس جاوید نے بنگالی فلموں میں بھی اپنی صلاحیتوں کا لوہا منوایا اور بنگلہ دیش کی فلمی صنعت میں ایک اہم ثقافتی کردار ادا کیا۔
فلمی حلقوں کے مطابق الیاس جاوید کی وفات اردو سنیما کے ایک عہد کے اختتام کے مترادف ہے۔ وہ کئی دہائیوں تک فلم بینوں کے دلوں میں ایک باوقار اور یادگار شخصیت کے طور پر زندہ رہیں گے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026