آئی سی سی ویمنز ورلڈ کپ ٹیم آف دی ٹورنامنٹ، پاکستان کی سدرا نواز وکٹ کیپر نامزد

انٹرنیشنل کرکٹ کونسل (آئی سی سی) نے ویمنز کرکٹ ورلڈ کپ ٹیم آف دی ٹورنامنٹ کا اعلان کر دیا ہے، جس کی کپتان جنوبی افریقہ کی لاورا وولوارٹ کو مقرر کیا گیا ہے۔
ٹیم میں بھارت، جنوبی افریقہ اور آسٹریلیا کی تین، جب کہ پاکستان اور انگلینڈ کی ایک ایک کھلاڑی شامل ہیں۔
ٹیم آف دی ٹورنامنٹ میں شامل کھلاڑیوں میں سمریتی مندھانا، جیمی راڈیگز، ماریزین کیپ، ایشلے گارڈنر، دیپتی شرما، اینابیل سدرلینڈ، نڈائن ڈی کلارک، الانا کنگ اور صوفی ایکلسٹون شامل ہیں۔پاکستان کی سدرا نواز کو ٹیم کی وکٹ کیپر کے طور پر منتخب کیا گیا ہے، جب کہ انگلینڈ کی نیٹ سیور برنٹ کو 12واں کھلاڑی قرار دیا گیا ہے۔
آئی سی سی کے مطابق ٹیم میں چیمپئن بھارت، رنر اپ جنوبی افریقہ اور سیمی فائنلسٹ آسٹریلیا کی تین تین کھلاڑیوں کی شمولیت خواتین کرکٹ میں ان ٹیموں کی شاندار کارکردگی کی عکاس ہے