ویمنز ایمرجنگ نیشنز ٹرافی 2026ء کا آج سے آغاز
Web Desk
12 November 2026
متحدہ عرب امارات کی ریاست عجمان میں خواتین کرکٹ کے بڑے بین الاقوامی مقابلوں کا باضابطہ آغاز آج 12 نومبر سے ہو رہا ہے، جہاں ‘آئی سی سی ویمنز ایمرجنگ نیشنز ٹرافی 2026’ میں پاکستان سمیت 10 ممالک کی ٹیمیں ٹائٹل کے حصول کے لیے میدان میں اتریں گی۔
آج سے شروع ہو کر 25 نومبر تک جاری رہنے والے اس ٹورنامنٹ میں مجموعی طور پر 30 ٹی ٹوئنٹی انٹرنیشنل میچز کھیلے جائیں گے، جبکہ پاکستانی ویمن ٹیم اپنی مہم کا آغاز آج بنگلہ دیش کے خلاف میچ سے کرے گی۔ انٹرنیشنل کرکٹ کونسل (ICC) کے جاری کردہ شیڈول کے مطابق ٹورنامنٹ کے تمام مقابلے عجمان کے ‘کاروان اسپورٹس کلب کرکٹ گراؤنڈ’ اور ‘سیون ڈسٹرکٹس اسپورٹس کلب’ میں منعقد ہوں گے۔ پاکستان اور بنگلہ دیش کے درمیان اہم افتتاحی مقابلہ آج دوپہر ایک بج کر 15 منٹ پر کاروان کرکٹ گراؤنڈ میں کھیلا جائے گا، جہاں پاکستانی ٹیم منیبہ علی کی قیادت اور عائشہ ظفر کی نائب کپتانی میں میدان میں اترے گی۔
قومی ٹیم کو گروپ بی میں بنگلہ دیش، تھائی لینڈ، نیدرلینڈز اور زمبابوے کے ساتھ رکھا گیا ہے؛ گرین شرٹس 13 نومبر کو تھائی لینڈ، 15 نومبر کو نیدرلینڈز اور 16 نومبر کو زمبابوے کے خلاف اپنے دیگر گروپ میچز کھیلیں گی۔ دوسری جانب گروپ اے میں میزبان متحدہ عرب امارات، سری لنکا، آئرلینڈ، اسکاٹ لینڈ اور پاپوا نیو گنی کی ٹیمیں شامل ہیں۔ یو اے ای کی خواتین ٹیم ایشا اوزا کی قیادت میں شرکت کر رہی ہے اور وہ اپنا پہلا میچ 13 نومبر کو آئرلینڈ کے خلاف کھیلیں گی۔ رواں ٹورنامنٹ میں پہلی مرتبہ پانچ مکمل رکن ممالک اور پانچ ایسوسی ایٹ رکن ممالک کی ٹیمیں شریک ہیں، جبکہ گزشتہ ایڈیشن کے مقابلے میں ٹیموں کی تعداد آٹھ سے بڑھا کر دس کر دی گئی ہے۔
آئی سی سی کے مطابق گروپ مرحلہ 18 نومبر تک جاری رہے گا، جس کے بعد دونوں گروپس کی تین تین بہترین ٹیمیں ‘سپر سکس’ مرحلے کے لیے کوالیفائی کریں گی۔ سپر سکس کے مقابلے 20، 22 اور 23 نومبر کو ہوں گے، جبکہ ٹورنامنٹ کی دو سرکردہ ٹیموں کے درمیان فائنل معرکہ 25 نومبر کو عجمان کے کاروان اسپورٹس کلب کرکٹ گراؤنڈ میں کھیلا جائے گا۔ واضح رہے کہ تھائی لینڈ کی خواتین ٹیم اس ٹورنامنٹ کی دفاعی چیمپئن ہے، جس نے سال 2025 میں اپنے ملک میں منعقدہ پہلے ایڈیشن کا ٹائٹل اپنے نام کیا تھا۔
متعلقہ عنوانات
صائم ایوب کا کرکٹ سے عارضی وقفہ لینے کا فیصلہ، پی سی بی سے درخواست
22 November 2026
ویمنز ایمرجنگ نیشز ٹرافی: پاکستان کی سکاٹ لینڈ کیخلاف شاندار کامیابی
22 November 2026
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026