روبوٹ اچانک گر کر تڑپ تڑپ کر مر گیا، دل دہلا دینے والی ویڈیو

چین کے دارالحکومت بیجنگ میں ورلڈ ہیومنائڈ روبوٹ گیمز (روبوٹ اولمپکس) کی تیاریوں کے دوران ایک انسان نما روبوٹ غیر متوقع حادثے کا شکار ہو کر تباہ ہو گیا۔ لائیو مظاہرے اور تربیتی دوڑ کے دوران ایک دو ٹانگوں والا ہیومنائڈ روبوٹ ٹریک پر تیز رفتاری سے دوڑتے ہوئے اپنا توازن اور بریکنگ کنٹرول کھو بیٹھا اور وقت پر رفتار کم نہ کر سکنے کے باعث گدّے دار رکاوٹ سے جا ٹکرایا۔ شدید ٹکر کے نتیجے میں روبوٹ کے باڈی سٹرکچر سے چنگاریاں نکلیں اور وہ کمر کے مقام سے دوہرا ہو کر فرش پر گر پڑا۔ اس واقعے کی ویڈیو سوشل میڈیا پر تیزی سے وائرل ہو گئی جسے 1 کروڑ 30 لاکھ سے زائد مرتبہ دیکھا جا چکا ہے۔ 22 اگست سے شروع ہونے والے ان مقابلوں میں 16 ممالک کی 666 ٹیمیں اور 2 ہزار سے زائد مشینیں شرکت کر رہی ہیں۔