تیز ترین چارجنگ : ہواوے کی نئی ڈیوائس سامنے آگئی

چینی ٹیکنالوجی کمپنی ہواوے نے 20 ہزار ایم اے ایچ کی بڑی بیٹری اور 100 واٹ بائی ڈائریکشنل فاسٹ چارجنگ کی صلاحیت پر مبنی نیا اسمارٹ پاور بینک تیار کر لیا ہے، جسے جلد مارکیٹ میں پیش کیے جانے کا امکان ہے۔ چین کی 3سی (3C) سرٹیفکیشن ڈیٹا بیس میں ماڈل نمبر P0024 کے ساتھ رجسٹر ہونے والی اس ڈیوائس کو خاص طور پر لیپ ٹاپ، ٹیبلٹ اور اسمارٹ فونز کو تیز رفتاری سے چارج کرنے کے لیے ڈیزائن کیا گیا ہے۔ اس جدید پاور بینک کی مجموعی آؤٹ پٹ 106 واٹ تک ہے اور اس کی یو ایس بی – سی پورٹس خود پاور بینک کو بھی 100 واٹ کی رفتار سے چارج کرنے کی صلاحیت رکھتی ہیں۔ ہواوے کے اس نئے پاور بینک کی 72.52 Wh ریٹڈ انرجی اسے حال ہی میں متعارف کرائے گئے 12 ہزار ایم اے ایچ ماڈل کے مقابلے میں زیادہ توانائی ذخیرہ کرنے کے قابل بناتی ہے، تاہم کمپنی کی جانب سے اس کی حتمی قیمت اور لانچ کی تاریخ کا باضابطہ اعلان ہونا باقی ہے۔