امریکا ایران کی بحری ناکہ بندی کیسے برقرار رکھے گا؟ میڈیا رپورٹ جاری

عرب میڈیا نے اپنی ایک خصوصی رپورٹ میں انکشاف کیا ہے کہ امریکا ایران کی بحری ناکہ بندی کو برقرار رکھنے کے لیے ممکنہ طور پر وہی پرانا اور سخت طریقہ کار دوبارہ اختیار کرے گا جو ماضی میں مفاہمتی یادداشت سے پہلے اپنایا گیا تھا۔ رپورٹ کے مطابق، اس حکمتِ عملی کے تحت ایرانی بندرگاہوں سے گزرنے کی کوشش کرنے والے کسی بھی بحری جہاز کو امریکی بحریہ راستے میں ہی روک کر واپس مڑنے کا سخت انتباہ جاری کرے گی۔ اگر کوئی جہاز امریکی حکم ماننے سے انکار کرے گا تو ماضی کی طرح امریکی لڑاکا طیارے، ہیلی کاپٹرز یا ڈرونز میزائل داغ کر اس جہاز کے انجن یا نقل و حرکت کے نظام کو ناکارہ بنا دیں گے۔ ٹرمپ انتظامیہ کا ماننا ہے کہ ماضی میں ایران کو مذاکرات کی میز پر لانے اور مفاہمتی یادداشت پر مجبور کرنے کی سب سے بڑی وجہ یہی بحری ناکہ بندی تھی جس سے ایرانی جہاز رانی مفلوج ہو کر رہ گئی تھی، تاہم امریکی انٹیلی جنس کی داخلی بریفنگز میں یہ خدشہ بھی ظاہر کیا گیا ہے کہ ایران موجودہ نوعیت کی ناکہ بندی کو کئی ماہ تک برداشت کرنے کی صلاحیت رکھتا ہے۔