کیا سمارٹ واچز اور رنگ واقعی نیند کو درست طور پر ٹریک کر پاتے ہیں؟

آج کل بڑی تعداد میں لوگ اپنی نیند کی نگرانی کے لیے اسمارٹ واچز، اسمارٹ رنگز اور موبائل ایپس کا استعمال کر رہے ہیں، تاہم ماہرین کا کہنا ہے کہ یہ ڈیوائسز نیند کو براہِ راست نہیں ناپتیں بلکہ دل کی دھڑکن اور جسمانی حرکات کی بنیاد پر اندازہ لگاتی ہیں، جس کے باعث ان کی مکمل درستگی ممکن نہیں۔

ماہرین کے مطابق ایپل واچ، فِٹ بِٹ اور اورا رنگ جیسے ٹریکرز نیند کے آغاز اور اختتام کے اوقات کا اندازہ تو کافی حد تک درست لگاتے ہیں، لیکن گہری نیند اور REM سلیپ جیسے مراحل کی پیمائش اب بھی مکمل طور پر قابل اعتماد نہیں ہے۔

نیند کے ماہرین کا کہنا ہے کہ یہ ڈیوائسز عمومی رجحانات سمجھنے میں مددگار ہو سکتی ہیں، تاہم انہیں طبی تشخیص کا متبادل نہیں سمجھنا چاہیے۔