امریکی اداکارہ ہیڈن کا 36 برس کی عمر میں انتقال

ہالی ووڈ کی مشہور و معروف اداکارہ ہیڈن پنیٹیئر 36 برس کی عمر میں انتقال کر گئی ہیں، تاہم ان کی موت کی فوری وجہ سامنے نہیں آ سکی۔ بطور چائلڈ اسٹار اپنے کیریئر کا آغاز کرنے والی ہیڈن نے مقبول ٹی وی سیریز ‘ہیروز’ اور ‘نیش وِل’ کے علاوہ ‘سکریم 4’ اور ‘ریمنبر دی ٹائٹنز’ جیسی بلاک بسٹر فلموں میں یادگار کردار ادا کر کے عالمی شہرت حاصل کی۔ ان کے والد اسکیپ پنیٹیئر نے گہرے دکھ کا اظہار کرتے ہوئے میڈیا اور مداحوں سے خاندان کی نجی زندگی کا احترام کرنے کی اپیل کی ہے۔ اداکارہ نے اپنی زندگی میں پوسٹ پارٹم ڈپریشن، نشے اور صدمات کے خلاف اپنی جدوجہد پر ہمیشہ کھل کر بات کی اور رواں سال مئی میں ان کی خود نوشت ‘دِس اِز می: اے ریکننگ’ بھی شائع ہوئی تھی۔ وہ اپنے سابق منگیتر اور سابق باکسنگ چیمپئن ولادیمیر کلِتھچکو سے ایک بیٹی کایا کی والدہ تھیں۔