حنا نیازی کا شوہر کی جانب سے بطور عیدی بڑی رقم ملنے کا انکشاف

لاہور: معروف پاکستانی اینکر پرسن حنا نیازی نے اپنی شادی کے بعد سسرال میں گزاری پہلی عید کی خوشگوار یادیں مداحوں کے ساتھ شیئر کی ہیں۔ حال ہی میں رشتۂ ازدواج میں منسلک ہونے والی حنا نیازی نے ایک حالیہ انٹرویو میں انکشاف کیا ہے کہ ان کے شوہر نے عید کے موقع پر انہیں ڈالرز کی صورت میں ایک خطیر رقم بطور عیدی دی ہے۔

حنا نیازی کے مطابق، ان کے شوہر انہیں عید کی مناسبت سے شاپنگ پر لے کر گئے جہاں انہوں نے خوبصورت چوڑیاں اور دیگر تحائف خریدے، تاہم سب سے بڑا سرپرائز ڈالرز کی شکل میں ملنے والی عیدی تھی۔ اینکر پرسن نے بتایا کہ انہیں عیدی میں جتنے ڈالرز ملے، ان کی مالیت پاکستانی روپوں میں تقریباً 5 سے 6 لاکھ روپے بنتی ہے۔

واضح رہے کہ حنا نیازی گزشتہ سال رشتۂ ازدواج میں منسلک ہوئی تھیں اور ان کی شادی کی تصاویر و ویڈیوز سوشل میڈیا پر کافی وائرل ہوئی تھیں۔ مداحوں کی جانب سے حنا نیازی کی عیدی سے متعلق اس انکشاف کو دلچسپی سے دیکھا جا رہا ہے اور سوشل میڈیا پر ان کی پہلی عید کی تصاویر کو خوب سراہا جا رہا ہے۔