ہر لمحہ انہیں یاد کرتی ہوں، ہیما مالنی دھرمیندر کی جدائی پر دل گرفتہ

بالی ووڈ کے ‘ہیمین’ دھرمیندر کو بچھڑے تین ماہ بیت گئے ہیں، لیکن ان کی اہلیہ اور معروف اداکارہ ہیما مالنی آج بھی اس صدمے سے نڈھال ہیں۔ حال ہی میں برٹش اکیڈمی فلم ایوارڈز (BAFTA) کی 79 ویں تقریب میں دھرمیندر کو ان کی عالمی فنی خدمات پر خصوصی خراجِ عقیدت پیش کیا گیا، جس پر ہیما مالنی نے فخر اور دکھ کے ملے جلے جذبات کا اظہار کیا ہے۔

ہیما مالنی نے ایک حالیہ انٹرویو میں اپنے جذبات بیان کرتے ہوئے کہا:”میں آج بھی اس حقیقت کو قبول نہیں کر پا رہی کہ وہ ہمارے درمیان نہیں رہے۔ میں ہر لمحہ خود سے سوال کرتی ہوں کہ کیا وہ واقعی چلے گئے؟ اور میں ان سے دوبارہ کب ملوں گی؟”انہوں نے ماضی کی یادیں تازہ کرتے ہوئے بتایا کہ دھرمیندر کی مقبولیت سرحدوں کی قید سے آزاد تھی اور وہ اکثر جان بوجھ کر ایک ساتھ فلمیں سائن کیا کرتے تھے تاکہ شوٹنگ کے بہانے زیادہ وقت ساتھ گزار سکیں۔

24 نومبر 2025ء (89 برس کی عمر میں)۔عالمی اعزاز: فروری 2026ء میں بافٹا (BAFTA) کی ‘ان میموریم’ کیٹیگری میں شامل کیا گیا۔آخری رسومات: ممبئی کے پون ہنس شمشان گھاٹ میں ادا کی گئیں، جہاں بالی ووڈ کی تمام بڑی شخصیات نے شرکت کی۔دھرمیندر کی وفات سے بھارتی سنیما کا ایک سنہرا باب ختم ہو گیا ہے، مگر ہیما مالنی کے مطابق ان کی یادیں اور ان کا فن ہمیشہ مداحوں کے دلوں میں زندہ رہے گا۔