ہری پور: نامعلوم افراد کی فائرنگ سے مشہور ٹک ٹاکر جاں بحق

ہری پور: ہری پور کے علاقے علوے خالو غازی میں نامعلوم موٹرسائیکل سواروں کی فائرنگ سے ٹک ٹاکر خاتون رضوانہ عرف حسینہ موقع پر ہی جاں بحق ہوگئیں۔

پولیس کے مطابق واقعے کے فوراً بعد ریسکیو اور قانون نافذ کرنے والے اہلکار موقع پر پہنچ گئے، علاقے کو سیل کر کے شواہد اکٹھے کیے جا رہے ہیں۔ لاش کو قانونی کارروائی کے لیے اسپتال منتقل کیا گیا ہے اور تحقیقات کا آغاز کردیا گیا ہے۔

پولیس کا کہنا ہے کہ واقعے کی وجوہات معلوم کرنے اور ملزمان کو جلد گرفتار کرنے کی کوششیں جاری ہیں