LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

ہانیہ عامر کو شوبز میں پہلا موقع میں نے دیا تھا، حریم فاروق کا دعویٰ

Web Desk

14 October 2026

پاکستانی فلم انڈسٹری کی معروف اداکارہ و فلم ساز حریم فاروق نے انکشاف کیا ہے کہ انہوں نے اداکارہ ہانیہ عامر کی صلاحیتوں کو کیریئر کے بالکل آغاز میں ہی پہچان لیا تھا اور انہیں شوبز انڈسٹری میں بریک تھرو (پہلا موقع) فراہم کیا تھا۔

ایک حالیہ انٹرویو میں جب میزبان نے حریم فاروق سے سوال کیا کہ کیا ہانیہ عامر کو شوبز میں متعارف کرانے کا سہرا ان کے سر جاتا ہے؟ تو انہوں نے مسکراتے ہوئے اس کی تصدیق کی۔ حریم فاروق کا کہنا تھا کہ ہانیہ عامر میں بلا کی صلاحیت اور چمک تھی اور انہیں پہلے دن سے معلوم تھا کہ ہانیہ نے انڈسٹری میں آگے جا کر کامیابی کی بلندیاں چھونی ہیں، اسی لیے انہوں نے بلا جھجھک ان کی حوصلہ افزائی کی اور موقع دیا۔

واضح رہے کہ ہانیہ عامر نے 2016 میں ریلیز ہونے والی ہٹ کامیڈی فلم ’جاناں‘ سے اپنے فلمی کیریئر کا آغاز کیا تھا، جس کی شریک پروڈیوسر حریم فاروق تھیں۔ اس وقت ہانیہ طالب علم تھیں اور سوشل میڈیا پلیٹ فارم ‘ڈب میش’ پر اپنی وائرل ویڈیوز سے شہرت حاصل کر رہی تھیں۔ ‘جاناں’ میں شاندار اداکاری پر انہیں لکس اسٹائل ایوارڈز میں بہترین معاون اداکارہ کی نامزدگی ملی۔ اس کے بعد ہانیہ عامر نے ‘نامعلوم افراد 2’، ‘پرواز ہے جنون’، اور ڈرامہ ‘میرے ہمسفر’ جیسے سپر ہٹ منصوبوں میں کام کیا، جبکہ حال ہی میں وہ بھارتی پنجابی فلم ‘سردار جی 3’ کے ذریعے بھی عالمی سطح پر داد وصول کر چکی ہیں۔