حد سے زیادہ بے تکلفی، ہانیہ عامر اور یاسر حسین کی وائرل ویڈیو پر تبصرے

لاہور: معروف اداکارہ ہانیہ عامر اور اداکار یاسر حسین کی ایک ویڈیو سوشل میڈیا پر وائرل ہو رہی ہے جس نے صارفین کے درمیان نئی بحث کو جنم دے دیا ہے۔

یہ ویڈیو پاکستانی اداکار عمر عالم کی شادی کی تقریب کے دوران بنائی گئی، جہاں ہانیہ عامر اور یاسر حسین خوشگوار موڈ میں ایک دوسرے سے بات چیت کرتے اور مسکراتے دکھائی دیے۔ ویڈیو میں دونوں فنکاروں کا دوستانہ اور بے تکلف انداز نمایاں ہے۔

سوشل میڈیا پر وائرل ہونے والی اس ویڈیو پر صارفین کی جانب سے مخلوط ردعمل سامنے آ رہا ہے۔ بعض صارفین نے اس رویے کو نارمل قرار دیتے ہوئے کہا کہ شوبز انڈسٹری میں اس طرح کی دوستانہ گفتگو عام بات ہے۔

تاہم، کچھ صارفین نے تنقید کرتے ہوئے مؤقف اختیار کیا کہ یاسر حسین ایک شادی شدہ شخص ہیں، اس لیے انہیں اس نوعیت کی بے تکلفی سے گریز کرنا چاہیے تھا۔

چند سوشل میڈیا صارفین نے اس موقع پر اقراء عزیز کی غیر موجودگی پر بھی سوالات اٹھائے، جبکہ بعض نے معاملے کو غیر ضروری تنازع قرار دیتے ہوئے فنکاروں کی ذاتی زندگی میں مداخلت نہ کرنے کی اپیل کی۔