ہانیہ عامر نے اپنی ’جعلی ڈھولکی‘ کی ان دیکھی تصاویر شیئر کر دیں

کراچی: پاکستان کی شوخ و چنچل اداکارہ ہانیہ عامر نے اپنی منفرد ’ڈھولکی تھیم‘ برتھ ڈے پارٹی کی یادیں تازہ کرتے ہوئے تقریب کی پسِ پردہ اور ان دیکھی تصاویر سوشل میڈیا پر مداحوں کے ساتھ شیئر کی ہیں۔

ہانیہ عامر نے رواں برس فروری میں اپنی 29 ویں سالگرہ روایتی مایوں اور ڈھولکی کے انداز میں منائی تھی، جس کی تصاویر اور ڈانس ویڈیوز نے انٹرنیٹ پر تہلکہ مچا دیا تھا اور اسے ایک ‘جعلی شادی’ یا ’فیک ڈھولکی‘ کا نام دیا گیا تھا۔ اداکارہ نے اب تقریب کے تقریباً 6 ماہ بعد اپنے انسٹاگرام اکاؤنٹ پر دوستوں کے ساتھ بتائے گئے ان خوشگوار لمحات کی چند رینڈم تصاویر پوسٹ کی ہیں۔

تصاویر کے ساتھ ہانیہ نے ایک دلکش کیپشن بھی تحریر کیا، جس میں انہوں نے مداحوں کو اپنی زندگی میں خوش مزاجی، زندہ دلی اور شوخی برقرار رکھنے کا پیغام دیا۔ یاد رہے کہ فروری میں اس تقریب کی ویڈیوز وائرل ہونے کے بعد معروف گلوکار عاصم اظہر کے ساتھ ہانیہ عامر کے ڈانس نے سب سے زیادہ میڈیا توجہ حاصل کی تھی، جس کے بعد دونوں فنکاروں کے درمیان تعلقات کی بحالی کی قیاس آرائیاں ایک بار پھر گرم ہو گئی تھیں۔