گووندا کا اپنے بھانجے کرشنا سے متعلق حیران کن دعویٰ، خاندانی تنازع کی وجہ بھی بتادی

بالی ووڈ کے نامور اداکار گووندا نے دعویٰ کیا ہے کہ ان کے بھانجے، اداکار و کامیڈین کرشنا ابھیشیک کو ٹی وی پر ان کی توہین کرنے پر زبردستی مجبور کیا جاتا ہے۔

گووندا نے بتایا کہ ان کی اہلیہ سُنیتا آہوجا اور کچھ قریبی افراد ایک بڑی سازش کا حصہ بن کر کرشنا کو میرے خلاف استعمال کر رہے ہیں۔ اداکار نے اپنے خاندان سے درخواست کی کہ وہ عوامی بیانات دینے سے گریز کریں تاکہ ان کی زندگی میں ایسے حالات پیدا نہ ہوں جو انہیں ذہنی طور پر متاثر کریں۔

کرشنا ابھیشیک نے اپنے موقف میں کہا کہ وہ گووندا ماموں سے محبت کرتے ہیں اور ان کا احترام کرتے ہیں۔ انہوں نے مزید کہا کہ گووندا کی سوچ انتہائی اعلیٰ ہے اور وہ ان کے بیانات کو مثبت انداز میں لیتے ہیں۔

گووندا اور سُنیتا کی شادی 1987 میں ہوئی تھی اور اس جوڑے کے دو بچے ہیں، بیٹی ٹینا اور بیٹا یش وردھن۔