گوگل کے اے آئی ماڈل جیمنائی میں اب تک کی سب سے بڑی اپ ڈیٹ کر دی گئی

گوگل نے اپنے اے آئی ماڈل جیمنائی میں اب تک کی سب سے بڑی اپ ڈیٹ “پرسنل انٹیلی جنس” متعارف کروا دی ہے۔ اس فیچر کے ذریعے جیمنائی گوگل ایپس جیسے سرچ، جی میل، گوگل فوٹوز اور یوٹیوب تک رسائی حاصل کرکے صارف کے ذاتی ڈیٹا کا تجزیہ کرے گا اور زیادہ تفصیلی جوابات فراہم کرے گا۔

مثال کے طور پر، اگر صارف اپنی گاڑی کے مسئلے کے بارے میں پوچھے تو جیمنائی براہِ راست خریداری کی معلومات، فوٹوز اور یوٹیوب ویڈیوز کا تجزیہ کر کے مسئلے کا حل تجویز کرے گا۔ گوگل کے مطابق یہ فیچر سب سے پہلے امریکا میں دستیاب ہوگا اور بعد میں دیگر ممالک اور مفت صارفین کے لیے بھی متعارف کرایا جائے گا۔