گوگل نے اپنے صارفین کیلئے میسجز میں نیا لانگ پریس مینو متعارف کرا دیا

گوگل نے اپنے صارفین کے لیے گوگل میسجز میں یکم اکتوبر 2026 سے ایک نیا لانگ پریس مینو متعارف کرا دیا ہے جس کا مقصد پیغامات کے استعمال اور مختلف آپشنز تک رسائی کو مزید آسان اور موثر بنانا ہے۔ نئی اپڈیٹ کے تحت کسی بھی پیغام کو لانگ پریس کرنے پر ریپلائی، فارورڈ، کاپی، سٹار، ڈیلیٹ، سلیکٹ مور اور انفو جیسے اہم آپشنز ایک ہی جگہ دستیاب ہوں گے، جبکہ تصاویر کے لیے ریمکس اور سیو کے فیچرز بھی شامل کیے گئے ہیں۔ اس اپڈیٹ کی سب سے خاص بات یہ ہے کہ صارف اب پورا پیغام کاپی کرنے کے بجائے اس کے کسی مخصوص حصے کو منتخب کر کے کاپی، ترجمہ یا سلیکٹ آل کر سکیں گے۔ اس کے علاوہ پیغام منتخب کرنے پر دلکش اینیمیشن، ہلکی وائبریشن اور سکرین کے درمیان نمایاں ہونے کا فیچر بھی شامل کیا گیا ہے، اور اگر یہ فیچرز شو نہ ہو رہے ہوں تو ایپ کو فورس اسٹاپ کر کے دوبارہ کھولنے سے یہ فعال ہو جاتے ہیں۔