گوگل میپس میں ایک نئے دلچسپ فیچر کا اضافہ
Web Desk
3 June 2026
کیلیفورنیا: اگر آپ اپنے اسمارٹ فون میں روزمرہ رہنمائی کے لیے گوگل میپس (Google Maps) کا استعمال کرتے ہیں، تو کمپنی کا ایک نیا اور دلچسپ فیچر یقیناً آپ کا دل جیت لے گا۔ گوگل نے اسمارٹ فون صارفین کے لیے ایک ایسا فیچر موبائل ایپس کا حصہ بنا دیا ہے جس کے ذریعے وہ ماضی کے سفر پر جا سکتے ہیں۔
گوگل میپس کی مشہور زمانہ سروس ‘اسٹریٹ ویو’ (Street View) کی 15 ویں سالگرہ کے موقع پر انتظامیہ نے ایک بڑا اعلان کیا ہے۔ کمپنی کے مطابق، اس سروس کا ایک انتہائی مقبول اور آئیکونک فیچر اب ڈیسک ٹاپ کمپیوٹرز سے نکال کر باقاعدہ طور پر موبائل ڈیوائسز کے لیے متعارف کرا دیا گیا ہے۔ اس فیچر کے تحت گزشتہ برسوں کی تاریخی اسٹریٹ ویو تصاویر کو اب اینڈرائیڈ (Android) اور آئی او ایس (iOS) ایپس کا مستقل حصہ بنایا جا رہا ہے۔
واضح رہے کہ کمپیوٹرز اور لیپ ٹاپس پر یہ فیچر کافی عرصے سے دستیاب تھا، جہاں صارفین کسی بھی جگہ کی پرانی تصاویر دیکھ سکتے تھے۔ تاہم، موجودہ دور میں چونکہ بیشتر افراد سمارٹ فونز کا استعمال کرتے ہیں، اسی لیے گوگل نے اس ضرورت کو محسوس کرتے ہوئے اسے موبائل ایپس پر منتقل کر دیا ہے۔
اسمارٹ فون پر اپنے علاقے یا کسی بھی پسندیدہ مقام کی ماضی کی حالت دیکھنے کا طریقہ انتہائی آسان ہےگوگل میپس اوپن کر کے مطلوبہ جگہ کی ‘اسٹریٹ ویو امیج’ پر کلک کریں۔ تصویر کھلنے کے بعد وہاں موجود ‘سی مور ڈیٹس’ (See more dates) کے آپشن کا انتخاب کریں۔ اس آپشن پر کلک کرتے ہی آپ اپنے فون کی اسکرین پر دیکھ سکیں گے کہ آپ کا اپنا علاقہ، گھر، یا دنیا کا کوئی دوسرا مقام آج سے 5 یا 10 سال قبل کیسا نظر آتا تھا۔تاہم، گوگل نے واضح کیا ہے کہ ماضی کی تصاویر دیکھنے کا انحصار اس بات پر ہوگا کہ گوگل کے ڈیٹا بیس میں اس مخصوص مقام کی پرانی تصاویر دستاویزی شکل میں دستیاب ہیں یا نہیں۔ تکنیکی ماہرین اور صارفین کی جانب سے اس فیچر کو بے حد پسند کیا جا رہا ہے، کیونکہ اپنے اردگرد کے مقامات اور شہروں کو وقت کے ساتھ بدلتے ہوئے اور ان کی پرانی شکل کو اسمارٹ فون پر دیکھنا ایک انتہائی پرلطف اور دلچسپ تجربہ ہے۔
متعلقہ عنوانات
ناسا کے خلاباز اب پراڈا کے ڈیزائن کردہ جدید سپیس سوٹس پہنیں گے
9 June 2026
ہمارے نوجوان باصلاحیت، فری لانسنگ اور متعدد پلیٹ فارمز سے روزگار کما رہے: شزہ فاطمہ
9 June 2026
واٹس ایپ نے اپنے صارفین کیلئے اہم اپ ڈیٹ کر دی
8 June 2026
اوپن اے آئی کا چیٹ جی پی ٹی کو ’سپر ایپ‘ بنانے کا فیصلہ
8 June 2026
خبردار! سمز کے غیرقانونی استعمال کے معاملے پر ایڈوائزری جاری
8 June 2026
مصنوعی ذہانت نے پہلی بار انسانی انٹرنیٹ ٹریفک کو پیچھے چھوڑ دیا
7 June 2026
فیفا ورلڈ کپ 2026 کیلئے واٹس ایپ کا بڑا قدم
6 June 2026
ایپل کا رواں برس یورپ میں پہلا ڈیویلپر سینٹر کھولنے کا فیصلہ
6 June 2026