گوگل میپس میں ایک نیا فیچر صارفین کیلئے دستیاب

لوکیشن شیئرنگ کے لیے جہاں صارفین عموماً WhatsApp کو ترجیح دیتے ہیں، وہیں اب Google Maps کا نیا فیچر اس عادت کو بدل سکتا ہے۔

رپورٹ کے مطابق گوگل میپس میں لوکیشن شیئرنگ کو مزید آسان بنایا جا رہا ہے، جس کے تحت صارفین اب براہ راست ایپ سے اپنی لوکیشن شیئر کر سکیں گے۔ اس کے لیے میپس کھول کر بلیو آئیکون پر کلک کیا جائے گا جو موجودہ لوکیشن ظاہر کرتا ہے، جس کے بعد ایک آپشن کے ذریعے لوکیشن کا یو آر ایل بنا کر کسی بھی پلیٹ فارم پر شیئر کیا جا سکے گا۔

مزید بتایا گیا ہے کہ گوگل ایک نئے ایکشن بٹن کی آزمائش کر رہا ہے، جس سے بلیو آئیکون پر کلک کرنے کی ضرورت بھی ختم ہو جائے گی اور صرف ایک بٹن کے ذریعے فوری لوکیشن شیئر کی جا سکے گی۔

ماہرین کے مطابق اس فیچر کے بعد صارفین لوکیشن شیئرنگ کے لیے واٹس ایپ کے بجائے براہ راست گوگل میپس کا استعمال زیادہ کر سکتے ہیں۔