گوگل نے اپنا جدید اوپن اے آئی ماڈل جیما 4 متعارف کروا دیا

کیلیفورنیا: گوگل نے اپنے جدید ترین اوپن اے آئی ماڈل جیما 4 کی رونمائی کر دی ہے، جسے “اپاچی لائسنس 2.0” کے تحت جاری کیا گیا ہے۔ اس کا مقصد ڈویلپرز کو ایک ایسی ٹیکنالوجی فراہم کرنا ہے جو ناصرف طاقتور ہو بلکہ استعمال میں بھی آسان ہو۔ گوگل کے مطابق جیما 4 کو 4 مختلف سائزز میں پیش کیا گیا ہے، جس کی وجہ سے یہ اینڈرائیڈ اسمارٹ فونز، لیپ ٹاپس اور بڑے کلاؤڈ سسٹمز پر یکساں کارکردگی دکھانے کی صلاحیت رکھتا ہے۔

جیما 4 کی سب سے بڑی خاصیت اس کی ریزننگ (Reasoning) اور خودکار ورک فلو ہے۔ یہ ماڈل ملٹی سٹیپ پلاننگ کر سکتا ہے، یعنی کسی پیچیدہ کام کو چھوٹے حصوں میں تقسیم کر کے اسے خودکار طریقے سے مکمل کرنے کی صلاحیت رکھتا ہے۔ اس کے علاوہ، یہ براہِ راست تصاویر اور ویڈیوز کو پراسیس کرنے کے ساتھ ساتھ بہترین کوڈ جنریشن بھی کر سکتا ہے۔