گوگل نے صارفین کو شرمندگی سے بچانے کیلئے اہم فیچر متعارف کرادیا

اگر آپ نے کم عمری میں کوئی انتہائی بچگانہ یا شرمندگی والا ای میل ایڈریس بنا لیا تھا تو گوگل نے آپ کی مشکل آسان کر دی ہے۔ ٹیکنالوجی کمپنی گوگل نے جی میل صارفین کے لیے ایک طویل عرصے سے مطلوب فیچر متعارف کرا دیا ہے، جس کے تحت اب صارفین اپنا موجودہ ای میل ایڈریس تبدیل کر سکیں گے۔

گوگل کے اکاؤنٹ ہیلپ پیج کے مطابق اس نئے فیچر کی بدولت جی میل اکاؤنٹ ہولڈر اپنا ای میل ایڈریس تبدیل کرنے کے باوجود اپنا تمام ڈیٹا، ای میلز اور اکاؤنٹ معلومات محفوظ رکھ سکیں گے، جسے صارفین کے لیے ایک بڑی سہولت قرار دیا جا رہا ہے۔

تاہم دلچسپ بات یہ ہے کہ اس اپ ڈیٹ سے متعلق مکمل ہدایات فی الحال صرف گوگل کے سپورٹ پیج کے ہندی ورژن پر موجود ہیں، جس سے عندیہ ملتا ہے کہ اس فیچر کا آغاز ابتدائی طور پر بھارت میں کیا گیا ہے۔

ماہرین کے مطابق اگر یہ فیچر عالمی سطح پر متعارف کرایا گیا تو کروڑوں جی میل صارفین برسوں پرانے ناپسندیدہ ای میل ایڈریس سے نجات حاصل کر سکیں گے