گوگل کا صارفین کو کروم براؤزر فوری اپ ڈیٹ کرنے کا مشورہ

گوگل نے اپنے مقبول ویب براؤزر کروم کیلئے ایک انتہائی اہم سکیورٹی اپ ڈیٹ جاری کر دی ہے اور صارفین کو ہدایت کی ہے کہ وہ اپنے براؤزر کو فوری طور پر اپ ڈیٹ کریں تاکہ ممکنہ سکیورٹی خطرات سے محفوظ رہ سکیں۔

گوگل کے مطابق اس نئی اپ ڈیٹ میں کروم براؤزر میں موجود متعدد ایسی سکیورٹی خامیوں کو درست کیا گیا ہے جنہیں ہیکرز صارفین کے خلاف استعمال کر سکتے تھے۔ کمپنی نے واضح کیا ہے کہ حالیہ کروم بلڈز میں ان کمزوریوں کی نشاندہی کی گئی تھی، جس کے بعد فوری طور پر اپ ڈیٹ جاری کی گئی۔

اگرچہ گوگل نے سکیورٹی مسائل کی تفصیلات ظاہر نہیں کیں، تاہم کمپنی نے تصدیق کی ہے کہ ان میں سے بعض خامیاں انتہائی سنگین نوعیت کی ہیں اور بروقت اپ ڈیٹ نہ کرنے کی صورت میں صارفین کی ذاتی معلومات اور سکیورٹی کو خطرہ لاحق ہو سکتا ہے۔